Улаанбаатар төмөр замын төв буудал буюу вокзалын баруун талд байрлах “1000 машины зогсоол”-ын газар буюу зөвшөөрөлгүйгээр авто машины худалдаа эрхэлж байсан уг зогсоолын үйл ажиллагааг зогсоох, нүүлгэн шилжүүлэх шүүхийн шийдвэр гарч, өмнө нь удаа дараа мэдэгдэл өгч байсан гэв.

Автомашины худалдаа эрхлэгчдийн үйл ажиллагаа явуулж байсан уг газар нь Монгол-Оросын хувь нийлүүлсэн “Улаанбаатар төмөр зам” нийгэмлэгийнх бөгөөд энэхүү газарт Улаанбаатар хотын шинэ зорчигч үйлчилгээний төв буюу орчин үеийн стандарт шаардлагад нийцсэн төмөр замын вокзал барих нийслэлийн Засаг даргын Захирамжтай аж. 

Өнөөдөр Нийслэлийн Авто замын хөгжлийн газар, Нийслэлийн Газрын алба, Нийслэлийн Замын цагдаагийн алба, Нийслэлийн Цагдаагийн газар, БГД-ийн Цагдаагийн хэлтэс, “Ачигч авто машинуудын нэгдсэн холбоо” НҮТББ, “Улаанбаатар төмөр зам” хувь нийлүүлсэн нийгэмлэг хамтран авто машины зөвшөөрөлгүй худалдаа эрхлэгчдийн үйл ажиллагааг таслан зогсоож, талбайг чөлөөллөө гэжНийслэлийн Авто замын хөгжлийн газраас мэдээллээ.