Хөлбөмбөгийн дэлхийн аварга шалгаруулах тэмцээний талбай дээр хамтдаа тоглосон хамгийн олон насны зөрүүтэй тоглогчид гэсэн амжилтыг Камеруны одууд болох Рожер Милла (42 нас 35 хоног) болон Ригоберт Сонг (17 нас 358 хоног) нар эзэмшдэг. Тэд 24 нас зөрүүтэй байв. 

 Рожер Милла бол 1970, 80-аад онд Камерун буюу Африк тивийн гол төлөөлөл, од байсан довтлогч юм. Кареертаа Бастиа, Сэйнт Этиенне, Монтпелле зэрэг клубүүдэд тоглож явсан, клубын түвшинд 666 тоглолтонд 405 гоол оруулсан гоолын машин. Тэрээр Африк тивийн хошой аварга (1984, 1988), Африкийн оны шилдэг хөлбөмбөгчин (1976, 1990), ФИФА-ийн шилдэг 100 тоглогчдын нэг, 1990 оны ДАШТ-ий билэгдлийн шигшээ багт нэрлэгдсэн, "хүрэл гутал"-ны эзэн юм. 20 гаруй жил өндөр түвшинд тоглосон хөлбөмбөгчин. 

Харин Ригоберт Сонгийн хувьд Ливэрпүүл , Вэс Хам, хожим кареерийнхаа төгсгөлд Туркийн Лигт тоглож явсан хамгаалагч юм. Африк тивийн 2 удаагийн аварга, 1 удаа мөнгөн медаль, тив хоорондын аварга шалгаруулах тэмцээний мөнгөн медальт, Камеруны нэгэн шилдэг бүрэлдэхүүнтэй үеийн гол төлөөллийн нэг явсан тамирчин юм.