Сүхбаатар дүүргийн Засаг даргын Тамгын газар нь төрөөс эрүүл мэндийг баримтлах бодлогыг хэрэгжүүлэн ажлын байранд эрүүл мэндийг дэмжих орчин бий болгох, байгууллага, хамт олныхоо дунд эрүүл амьдрах хандлага зан үйлийг төлөвшүүлэх санаачлага гарган ажилласан байгууллагуудыг шалгаруулах ажил, үйлчилгээний уралдаанд 3 дугаар байр эзэллээ. 
Ажлын байранд эрүүл аюулгүй орчин бүрдүүлсэн байх, эрүүл мэндийн урьдчилан сэргийлэх үзлэг, ажлын байрны дасгал эрүүл зөв хооллолт стресс бухимдалгүй байх, хорт зуршлаас татгалзах, халдварт бус өвчний эрт илрүүлэгт хамрагдах, бие бялдрын түвшин тогтоох сорилд орсон байх зэрэг жилийн хугацаанд хийж хэрэгжүүлсэн ажлуудыг дүгнэсэн байна. 
Сүхбаатар дүүргийн Засаг даргын Тамгын газар нь техникийн давхраа чийрэгжүүлэлтийн танхим болгон тохижуулсан нь албан хаагчдынхаа эрүүл мэндийг дэмжсэн онцлог ажил болжээ. 
Нийслэлийн эрүүл мэндийн газрын дарга Л.Төмөрбаатар шагнал гардуулах үеэр хэлэхдээ “...албан хаагчдынхаа цалин, урамшууллыг нэмдэг дарга бол мэдээж сайн дарга, гэхдээ түүнээс илүү эрүүл мэндийг дэмжиж ажиллана гэдэг шилдэг удирдагч, сайн менежер юм” гэдгийг онцлов.