Энэ сарын 6-ны үүрээр цас их орсонтой холбоотойгоор Гэмтэл согог, судлалын үндэсний төвд бэртэж, гэмтсэн иргэд олноор хандах болжээ. Иргэд ихэвчлэн дээд, доод мөчийн хугарал, тархи толгойн гэмтлийн оноштой байна. 

Харин насны хувьд бага насны хүүхдүүд болон 45-аас дээш насны хүмүүс зонхилжээ. Бэртэж, гэмтсэн иргэдийн тоон үзүүлэлтийг өнгөрсөн оны мөн үетэй харьцуулахад 0.7 хувиар өссөн байна.

Иймээс Гэмтэл, согог судлалын үндэсний төвийн эмч мэргэжилтнүүд ард иргэдийг анхаарал болгоомжтой явахыг зөвлөжээ.