УИХ-ын гишүүн Д.Гантулга долоодугаар сарын 6-нд Төрийн ордонд хувийн асуудлаараа мэдээлэл хийсэн. Үүнийг хэсэг хуульчид ёс зүйн алдаа болсон гэж үзэж байгаа аж. Тэгвэл УИХ-ын Ёс зүйн дэд хороо өнгөрсөн аравдугаар сарын 2-ны өдөр хуралдаж, УИХ-ын гишүүн Д.Гантулгатай холбоотой гомдлыг хэлэлцсэн.

Ёс зүйн дэд хорооны хурлаас УИХ-ын гишүүн Д.Гантулгаас бичгээр тайлбар авах нь зүйтэй гэсэн шийдвэр гаргасан билээ. Тэгвэл УИХ-ын гишүүн Д.Гантулга бичгээр тайлбар өгчээ. Тэрбээр тайлбартаа "Монгол улсын Их Хурлын тухай хуулийн 20 дугаар зүйлийн 5.8, 5.11 дээх заалттай нийцүүлэн гишүүний хууль ёсны эрх ашиг сонирхол нэр төрийг хамгаалан сэтгүүлчдийн асуусан асуултад хариулсан болно" гэжээ. 

Түүний тайлбарыг бүрэн эхээр нь хүргэе.