Нийслэлийн мэргэжлийн хяналтын газар Ерөнхий боловсролын сургуулийн сурагчдын дунд зарласан "Хог бүр баялаг" сэдэвт хог хаягдлаар хийсэн бүтээлийн уралдаанаа дүгнэж, ялагчдыг тодруулжээ. Уралдаан ирүүлсэн шилдэг бүтээлүүдийн үзэсгэлэн, ялагчдад шагнал гардуулах ёслол өнөөдөр 11.00 цагт М.К.Ататуркийн нэрэмжит V дунд сургууль дээр болох юм байна. Уралдаанд ирүүлсэн шилдэг бүтээлүүдээс гурван байрын шилдэг зургаан бүтээлийг шалгаруулсан бөгөөд 250 000 төгрөгөөр нэг, 150 000 төгрөгөөр хоёр, 100 000 төгрөгөөр гурван сурагчийг шагнаж урамшуулах юм.