Монгол Улсын нийслэл Улаанбаатар хот үүсэн байгуулагдсаны түүхт 378 жилийн ой энэ сарын 29-нд тохионо.

Ойг угтаж нийслэлийн анхны суурь тавьсан газар Өвөрхангай аймгийн Бүрд сумын Их Монгол уулын бэл, Ширээт цагаан нуурын хөвөөнд орших Гэрэлт хөшөөнд аймаг, нийслэл, сумын удирдлагууд, иргэд, олон нийт хүндэтгэл үзүүлдэг уламжлалтай. Энэ уламжлалын дагуу өнгөрсөн бямба гаригт нийслэлийн Засаг дарга С.Батболд болон хотын бусад удирдлагууд Ширээт цагаан нуурын хөвөөн дэх гэрэлт хөшөөнд хүндэтгэл үзүүлжээ.