Өнөөдөр Сүхбаатар дүүргийн Засаг дарга Х.Болормаа Монгол Улсаа төлөөлөн хүндийг өргөлтийн дэлхийн цомын тэмцээнд оролцох гэж буй С.Саранцэцэгийг хүлээн авч уулзлаа.

Уулзалтын үеэр Засаг дарга “Хэдийгээр төсөв, санхүүгийн хувьд бэрхшээл байгаа ч гэлээ эх орноо төлөөлөн олон улсын тэмцээн, олимпиадад оролцож байгаа дүүргийнхээ иргэдийг дэмжихийг хичээдэг. Та бүхэн бол хөдөлмөр, зүтгэлийнхээ үр дүнгээр төрийнхөө далбааг мандуулдаг монголчуудын бахархал. Тийм учраас бид боломжоороо санхүүгийн дэмжлэг үзүүлж байгаа нь энэ. Тэмцээнд нь амжилт хүсье” гэлээ.

Сүхбаатар дүүргийн 7 дугаар хорооны иргэн С.Саранцэцэг энэ сарын 27-30 ны өдрүүдэд Австрали улсын Голд Кост хотноо болох хүндийг өргөлтийн дэлхийн цомын аварга шалгаруулах тэмцээний мастер ангиллын эмэгтэйчүүдийн 90 кг-ийн жинд Монгол Улсаа төлөөлөн оролцоно.