УИХ-ын чуулганы нэгдсэн хуралдаанаар 2017 оны төсвийн тодотголын төслийг хэлэлцэж байна. Тодотголын төслийг Ерөнхий сайд У.Хүрэлсүх танилцуулсан бөгөөд хэлэлцэж буй асуудалтай холбогдуулан үүрэг гүйцэтгэгч бүх сайд, агентлагын дарга нар чуулганы нэгдсэн хуралдаанд оролцож байгаа юм. Чуулганы нэгдсэн хуралдаанд оролцож буй гишүүд Төсвийн тодотголтой холбогдуулан Сангийн сайдын үүрэг гүйцэтгэгч болон бусад үүрэг гүйцэтгэгч сайд нараас сонирхсон асуултандаа хариулт авч байна. 900 орчим тэрбум төгрөгөөр давсан төсвийн орлогыг юунд зарцуулах талаар гишүүд хамгийн их сонирхож байгаа юм.