Өнгөрсөн тавдугаар сард "Оюуны Ундраа" цогцолбор сургууль үүсэн байгуулагдсаны 20 жилийн ой тохиож тус сургуулийн 3333 сурагч төв талбайд Төрийн шагналт зохиолч Д.Пүрэвдоржийн "Тусгаар тогтнол" шүлгийг нэгэн зэрэг уншсан. Энэхү арга хэмжээтэй төстэй нэгэн үйл явдал өнөөдөр Сүхбаатарын талбайд боллоо. "Хобби" сургуулийн сурагчид цаасан пирамид өрж Монгол Улсын төрийн далбааг бүтээлээ. Тэд энэхүү арга хэмжээгээ Гиннессийн амжилтад бүртгүүлэхээр төлөвлөж байгаа ажээ.