Өнөөдөр аргын тооллын 2017 оны наймдугаар сарын 17. Пүрэв гараг. Билгийн тооллын XVII жарны "Алтан унжлагат" хэмээгч Гал тахиа жилийн Зуны адаг улаагчин хонь сарын шинийн 25. Бархасвадь гараг. Гөрөөсөн толгой одтой, Долоон улаан мэнгэтэй улаан хулгана өдөр.
Барилдлага: Хотол чуулган
Шүтэн барилдлага: Сансар
Суудал: Гал
Өдрийн наран 5 цаг 54 минутад мандан, 19 цаг 59 минутад жаргана. Тухайн өдөр бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, гарагийг тахих, хүүхэд үрчлэн авах, урлан бүтээхэд сайн. Улаа гаргах, хиншүү хярвас гаргах, төлөг тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
* * *ӨРНИЙН ЗУРХАЙ * * *
ХОНЬ (3/21-4/19)
Энэ өдөр танд уран сайхны нарийн мэдрэмж, олон талын сонирхол олгож хайр дурлал, хамтын ажиллагааны хэрэгцээг тань хангана. Хайртыгаа оюун санааны хувьд дотносох бүх боломжийг ашигла. Түүний чин сэтгэлийн талархал танд маш чухал.
ҮХЭР (4/20-5/20)
Томилолтоор гадагшаа явна. Шинэ ирээдүйтэй ажил барьж авбал орлогоо нэмэгдүүлнэ. Та үргэлж төлөвлөгөөтэй ажилласан ч заримдаа бүтэлгүйтэх тал бий. Өмнөө том зорилго тавих хэрэгтэй. Гэвч танд хэн нэгэнтэй ажлаа зөвлөх хэрэг байнга гарна. Танд хэн нэгэн шагнал амлаж байна.
ХАМТАТГАХ (5/21-6/21)
Мэргэжлийн болон хайр дурлалын тал дээр онцгой амжилт горьдох хэрэггүй өдөр. Эрүүл мэнддээ л голлон анхаар. Сайн амарч, боломж гарвал аялал жуулчлалаар яв. Та хайр дурлалын харилцаанд тэвчээргүй, яаруу мөн романтик байдлаар хандах болно. Энэ нь хайрын шинэ холбоо үүсэхэд илэрнэ. Ойр дотныхондоо өөртөө итгэлтэй, санаачилгатай байхыг шаардахыг хичээ.
МЭЛХИЙ (6/22-7/22)
Санхүүгийн гарз хохирол гарч, ажил алба амжилтгүй байна. Үргэлжилсэн шаргуу хөдөлмөр, болгоомжтой байдал таныг урхинаас мулталж чадна. Ажил хэрэг тань амархан байгаа ч ямар ч ашиг ирэхгүй нь. Өдрийн сүүлийн хагаст хууралтанд авталгүй биеэ барьж, байр сууриндаа бат бөх зогсох шаардлагатай. Булингартай ус, харанхуй газраас зайлсхий.
АРСЛАН (7/23-8/22)
Байдлыг урьдчилан хэлэх бололцоогүй болохоор өдрийн хоёр дахь хагаст уур амьсгал таагүй байна. Ахуйн аахар шаахар асуудлаас болж ойр дотны хүмүүстэй сөргөлдөж болно. Машин техник жолоодох, цахилгаан хэрэгсэлтэй харьцахдаа болгоомжтой байгтун.
ОХИН (8/23-9/22)
Сээтэгнэлийн өмнө биеэ барьж чадахгүй байх магадлалтай өдөр. Хамтран ажиллагч эсвэл суралцагчтайгаа хөнгөн сээтэгнэлцэнэ. Үйл явдлын явцыг хяналтандаа байлга. Эс тэгвээс бага зэргийн зугаа цэнгэл томоохон асуудал болон хувирах болно.
ЖИНЛҮҮР (9/23-10/22)
Өнөөдөр санхүүгийн хувьд сайн өдөр. Гэхдээ та том олз олохгүйг хичээгээрэй. Хэрэв олбол ядахдаа далд хийгээрэй. Мэдлэг олж авч гүн гүнзгий эзэмш. Шургуу тэвчээртэй байдал илэрнэ. Мэдлэг эзэмшихийн зэрэгцээ, хувь хүний хувьд өөрчлөгдөнө.
ХИЛЭНЦ (10/23-11/21)
Таны төрөлхийн авъяас тодорч урам бүтээл дээрээ хичээнгүйлэн ажиллана. Тэд муугүй уран зохиолч, багш, улс төрийн зүтгэлтэн болно. Маркетинг, худалдааны салбарт амжилт гаргах боломж дүүрэн байна.
НУМ (11/22-12/21)
Энэ өдрийн үйл явдлууд түргэн ууртай сэтгэлийн хөдөлгөөнтэй хүмүүсийн сэтгэлийн тэнцвэрт байдлыг алдагдуулна. Сэтгэл санааны тэнцвэрт байдлаа хадгал. Амьсгалын дасгал хийж тайвшир. Эрүүл мэндээ бэхжүүлэх хоол хүнс хэрэглэх хэрэгтэй.
МАТАР (12/22-1/19)
Нарийн ухаан, зөн совин, ой тогтоолт сайн байна. Та сайн зохион байгуулагч, сэтгэл судлаач, нийгэм судлаач гэдгээ харуулна. Өөртөө хэрэгтэй хүмүүстэй найрсаг харилцаа тогтоохдоо төрөлх авьяасаа ашигла. Богино хугацаанд их ажил амжуулах болно. Бизнес эрхлэгчид энэ сарын дунд болон гурав дахь арав хоногт санхүүгийн байр сууриа бэхжүүлж, зээл авч, ивээн тэтгэгчийн дэмжлэг авч болзошгүй.
ХУМХ (1/20-2/18)
Санхүүгийн байдлаа бэхжүүлнэ. Өдрийн эхний хагаст их асуудал үүснэ. Бодлогогүй алхам бүү хий. Бүү аз турш. Бичиг баримт шүүхийн заргаа зөв төлөвлө. Үүнд бүх анхаарлаа хандуул. Та өөрийн бишрэгч бүлэг хүмүүсийн дунд оройг таатай өнгөрүүлнэ.
ЗАГАС (2/19-3/20)
Хамтын нэгдсэн үйл ажиллагааны үрээр та өнгөрсөн үеийн материаллаг өрнөөс сална. Таны зорилго түншүүдийнхээ зорилготой яв цав нийлснээр таныг удаан хуримтлагдсан бэрхшээлүүдээсээ салахад туслана.
0
0
0
0
0
0
