Цаг уурын байгууллагаас ирүүлсэн мэдээгээр 2017 оны 08 дугаар сарын эхний 10 хоногийн байдлаар төвийн бүсийн ихэнх нутгаар түр зуурын дуут цахилгаант аадар орж, салхи зарим газраараа 10-12 м/с хүрэх төлөвтэй байна гэсэн  мэдээллийг ирүүлсэн тул иргэд, аж ахуйн нэгж, байгууллагууд гэнэтийн үер ус, мөндөрөөс сэрэмжтэй байж үер усны аюулаас урьдчилан сэргийлэхийг  Баянзүрх дүүргийн Онцгой комиссоос анхааруулж байна.

Түүнчлэн:

-  Үер усны аюулаас урьдчилан сэргийлэх сэрэмжлүүлэг, мэдээ, дохиог хэвлэл мэдээллийн хэрэгсэл, мэдээллийн бусад эх сурвалжаас тогтмол хүлээн авч сэрэмжлэх, бусдад дамжуулах.

-  Гэр, хашаа, саравч, орон байрыг үерийн усны зам, голын гольдрол, гуу, жалга, хуурай сайр, ус хальдаг эрэгт барихгүй байх

-  Үерийн аюултай бүс нутгаас нүүх

-  Үер, усны аюулаас хамгаалах далан, суваг, шуудуу, хашлага барих

-  Үер, усны аюулын талаар хүүхдэд анхааруулга, сэрэмжлүүлэг өгөх

-  Хүүхдийг хараа хяналтгүйгээр гол мөрөн, нуур, цөөрмийн орчимд тоглуулахгүй, орхихгүй байх

-  Өндөр хүчдэл, цахилгааны дор гэр, сууцаа барихгүй байх зэргийг анхааруулж байна хэмээн Баянзүрх дүүргийн ЗДТГ-ын Хэвлэл мэдээллийнэ албанаас мэдээллээ.