Хэрэв Америкийн батласан Оросын эсрэг хориг Европт нөлөөлвөл хэдхэн өдрийн дотор “зохих” хариуг нь үзүүлнэ гэж Европын Комиссын Дарга Жан-Клауд Жункер анхааруулжээ. Тэр Оросын эсрэг хориг Оростой ажиллаж байгаа компаниудад нөлөөлөх магадлалтай гэж харж байна.

“Бид эдийн засгийн сонирхлоо Америкийн эсрэг хүртэл өмгөөлөх ёстой. Үүнийгээ ч бид хийх болно,” гэж Жункер хэлсэн байв.

Жункер шинэ хориг Европын Холбооны эрчим хүчний секторт “таамаглашгүй” үр дагавар, ялангуяа Балтийн бүсэд эрчим хүчний хангамжаа төрөлжүүлэх ажилд саад болох боломжтой гэжээ. Тэр “Америкийн конгресс хоригуудыг зөвхөн Америкийн хамтрагчидтай зөвлөлдөж байж тавина” гэсэн ба ЕХ Америкийн хамтрагч гэдгийг сануулсан байлаа.