Хүчит бөхийн барилдааны гурвын даваа эхэллээ. 

Бөхийн барилдаанд дархан аварга нэг, улсын аварга дөрөв, улсын арслан найм, улсын гарьд зургаа, улсын заан ес, харцага 23, начин 44, улсын цолтой нийт 95 бөх зодоглосон. Мөн аймаг цэргийн арслан 99, аймаг цэргийн заан 19, аймаг цэргийн харцага 23, начин 46, аймаг, цэргийн цолтой нийт 170 бөх бүртгүүлжээ.

Наадмын эхний өдөр улсын харцага Б.Одгэрэл, улсын начин Б.Сугаржаргал, улсын начин Э.Даш нарын бөхчүүд өвдөг шороодсон.