Монгол Улсын Ерөнхийлөгчийн сонгуулийн дахин санал хураалт дуусахад нэг цаг үлдлээ. Улсын хэмжээнд саналын ирц 38.44 хувьтай байна.  Өчигдөр зөөврийн битүүмжилсэн хайрцгаар зарим сонгогч саналаа өгсөн. Тухайлбал,  Архангай аймгийн сонгуулийн хороонд зөөврийн битүүмжилсэн хайрцгаар санал өгөх нийт 1611 сонгогч саналаа ирүүлжээ. Сонгуулийн хуулийн дагуу өчигдөр буюу долдугаар сарын 6-нд зөөврийн хайрцгаар санал авахад хүсэлт өгсөн нийт сонгогчдын 93.9 хувь буюу 1514 сонгогч санал өгсөн байна. Тус аймгийн хэмжээнд 102 санал авах байранд 103 санал тоолох машин ажиллаж байгаа аж. Одоогийн байдлаар санал тоолох машины эвдрэл гэмтэл болон иргэд, ажиглагчдаас ямар нэг гомдол хүсэлт тус аймгийн сонгуулийн хороонд ирээгүй байна.