Өнөөдөр буюу 2017 оны долоодугаар сарын 04-ний өдөр болох зарим үйл явдлын хураангуйг хүргэж байна.

---

Пума империал зочид буудал

11.00 цагт: "Зөн билгийн тулаан-Монголд" шоу нэвтрүүлгийн шилдэг дөрвөн оролцогч Пума империал зочид буудалд хэвлэлийн хурал хийнэ.  Утас: 90111030

---

"Монгол ньюс" мэдээллийн төв

11.00 цагт: Стандарт, хэмжил зүйн газрын хэвлэлийн бага хурал болно. Саяхан буюу 2017 оны зургаадугаар сарын сарын 18-ны өдөр Монгол улсын итгэмжлэгдсэн баталгаажуулалтын байгууллагын үр дүнг олон талын хүрээнд харилцан хүлээн зөвшөөрөх Номхон далайн хамтын ажиллагааны байгууллагуудын гэрээнд Монгол Улс нэгдэн орсон талаар мэдээлэл хийнэ. Утас: 99650498

11.30 цагт: ЭМЯ, НЭМҮТ, НЭМГ-аас дараах асуудлаар Хэвлэлийн бага хурал зохион байгуулна. Энэ үеэр,

- Архины хордлого
- Усанд живэх
- Зам тээврийн осол, осол гэмтэл
- Хоол хүнсээр дамжих өвчин, гэдэсний халдвар
- Зүрх судасны өвчлөл, артерийн даралт ихсэлтээс урьдчилан сэргийлэх талаар мэргэжлийн байгууллагууд зөвлөгөө мэдээлэл өгнө. Утас: 99124735

---

"Мах маркет" ХХК

11.30 цагт: ХХААХҮ-ийн сайд П.Сэргэлэн "Мах маркет" ХХК-ийн үйл ажиллагаатай танилцана. Тодруулбал, “Мах маркет” ХХК нь импортлогчийн шаардлагад нийцсэн техник, технологийн шинэчлэлийг хийж “Экспортын үйлдвэр”-ийг шинээр байгуулан ашиглалтад оруулж, 2017 оноос бүтээгдэхүүнээ БНХАУ-д гаргаж эхлээд байна. Уг үйлдвэр ашиглалтад орсноор 40 ажлын байр нэмэгдэж, сард 11300 толгой ямааны махыг дулааны аргаар боловсруулж 100 тонн ямааны махан бүтээгдэхүүн үйлдвэрлэж БНХАУ-ын зах зээлд гэрээгээр тасралтгүй, тогтмол нийлүүлж байгаа юм.  Утас: 88087892, 86565055

---

Софт теннисний төв талбай

12.00 цагт: "Copa de Asia-2017" өсвөрийн Софт теннисчдын Олон Улсын тэмцээний нээлт софт теннисний төв талбайд болно. /Олимпын хорооны хажуу талд/

---

МҮХАҮТ

14.00 цагт: Монгол-Японы үзэсгэлэн, семинар болон ганцаарчилсан бизнес уулзалт МҮХАҮТ-ын Их танхимд болно.  Утас: 99077127