Говийн Их Дархан Цаазат Газрын “Б” хэсэгт энэ сарын 20-нд Бүгд Найрамдах Чех улсын Праг хотын амьтны хүрээлэнгээс дөрвөн тахь авч ирлээ. Тодруулбал, тахийг зургаа дахь жилдээ амжилттай тээвэрлэн авч ирсэн юм.  

Энэ удаагийн тээвэрлэлт нь тахь эх нутагтаа ирсний 25 жилийн ойтой давхцаж байгаагаараа онцлогтой юм байна. Тахийн тээвэрлэлтийн ажилд Праг хотын амьтаны хүрээлэнгийн захирал Мерослав Бобек, орлогч захирал Яраслов Симак, Олон улсын Тахь Группын хүндэт ерөнхийлөгч Томас Фпистерер нар оролцжээ.