Монгол улс, Япон улсын хооронд дипломат харилцаа тогтоосны 45 жилийн ойг тохиолдуулан Сүхбаатар дүүргийн 17 дугаар хорооны нутаг дэвсгэрт байрлах Япон цэргийн дурсгалд зориулсан гэрэлт хөшөөний цогцолборт 20ш Сакура тарилаа.

Энэхүү үйл ажиллагаанд Сүхбаатар дүүргийн Засаг дарга Х.Болормаа болон Япон улсын Өмнөд Азийн Найрамдалын Холбооны Олон нийтийн эрх ашгийн сан, Монгол улсын Монголын улаан загалмай нийгэмлэг, “Шинэболд” ХХК-ийн төлөөлөл оролцов. Талууд Сакура тарих төслийг таван жилийн хугацаатай хэрэгжүүлэх бөгөөд Япон цэргийн дурсгалд зориулсан гэрэлт хөшөөний цогцолборыг цэцэрлэгт хүрээлэн болгох юм.