Баянгол дүүргийн прокурорын газрын хяналтын прокурор Н.Ням-Очир нийгмийн хариуцлага, сайн үйлсийн ажлын хүрээнд "Унадаг дугуйн клуб"-ын гишүүдийн хамтаар, иргэдээс нийт 30 гаруй хүүхдийн хуучин унадаг дугуйг цуглуулжээ. Цуглуулсан хуучин унадаг дугуйнуудаа  "Унадаг дугуйн клуб"-ынхаа гишүүдийн тусламж дэмжлэгийн хамтаар засаж янзалсан байна.

Ингээд тэд засч сайжруулсан унадаг дугуйнуудаа "Өнөр бүл” хүүхэд асрах төв буюу өнчин хүүхэд асрах төвийн бага бүлгийн хүүхдүүдэд гарын бэлгийн хамт гардуулан өгчээ. Тэд нэг өдрийг хүүхдүүдтэй хамт хөгжилтэй өнгөрүүлж, унадаг дугуй унахыг зааж өгсөн байна.