Эрүүл мэндийн сайд А.Цогцэцэг өнөөдөр Төв Евразийн шим тэжээлийн чуулганд оролцож буй ОХУ, ХБНГУ, Казахстан, Тажикстан, АНУ, Япон улсын эрдэмтдийг хүлээн авч уулзан цаашдын хамтын ажиллагааны талаар санал солилцов.

Эдгээр эрдэмтдийн зүгээс хүн хоол хүнсээр эрүүлжиж болдог гэдгийг хэлээд, улс төрийн бодлогод энэ талаарх хууль байх ёстой, бид өөрийн туршлагаа хуваалцан ажиллахад бэлэн гэдгээ илэрхийллээ. Тухайлбал, Тажикстан улс баяжуулсан бүтээгдэхүүн хэрэглэх, ялангуяа гурилыг баяжуулах талаар хуульчилсан байдаг бол Казахстан улс 2004 онд гурилыг баяжуулж үйлдвэрлэх хууль гаргасан байдаг байна.