Хүндэтгэлийн арга хэмжээг дүүргийн ИТХ-ын дарга Ш.Ганчимэг нээж хэлсэн үгэндээ “Монгол Улсын Ерөнхийлөгч зарлиг гаргаж олон хүүхэд төрүүлж өсгөн хүмүүжүүлж байгаа эхчүүдийг “Эхийн алдар-I,II” одонгоор шагнасан. Бяанзүрх дүүргээс “Эхийн алдар-I” одонгоор 33, “Эхийн алдар-II” одонгоор 684, нийт 717 ээж шагнууллаа. Жил бүр зохион байгуулагддаг энэхүү шагнал гардуулах ёслолын арга хэмжээнд 28 хорооны нийт эхчүүдээс төлөөлөл болон хүрэлцэн ирсэн та бүхэндээ чин сэтгэлээсээ талархаж байгаагаа илэрхийлэхийг хүсч байна.

“Алдарт эх” хэмээх эрхэм алдраар энгэрээ мялааж байгаа бүх сайхан ээжүүддээ аз жаргал, эрүүл энх, эрхэм дээд бүхнийг хүсэхийн хамт бидний гэрэлт ирээдүй болсон бяцхан үрсийн маань нүдэнд нь хайр гэрэлтэж, нүүрэнд нь инээмсэглэл өдөр болгон тодорч байхыг хүсэн ерөөе. Эх үрс нь элбэрэлтэй, өрх гэр нь өнө мөнхөд аз жаргалаар бялхаж байх болтугай” гэсэн ерөөл дэвшүүлэв.