2017 оны 5 дугаар сарын 29-нөөс зургаадугаар сарын 05-ыг хүртэлх
7 хоногийн цаг агаарын урьдчилсан мэдээ

- Ойрын 3 хоногтоо ихэнх нутгаар бороо хургүй хална -

---

Баруун аймгуудын нутгаар:

Тавдугаар сарын 31-нд нутгийн баруун хойд хэсгээр, 1-нд нутгийн хойд хэсгээр, 2-нд Алтайн өвөр хэсгээр бага зэргийн бороо, 3-4-нд нутгийн зүүн өмнөд хэсгээр бороо орно. Салхи баруун өмнөөс 5-10 м/с. 29-1-нд Завхан, Баянхонгорын хойд шөнөдөө 1-6 хэм, өдөртөө 19-24 хэм, Алтайн өвөр говиор шөнөдөө 14-19 хэм өдөртөө 28-34 хэм, бусад нутгаар шөнөдөө 9-14 хэм өдөртөө 23-28 хэм дулаан байна. 2-ноос ихэнх нутгаар бага зэрэг сэрүүснэ.

---

Төвийн аймгуудын нутгаар:

Зургаадугаар сарын 1, 4-нд зарим нутгаар, 2, 5-нд нутгийн зүүн хэсгээр, 3-нд нутгийн баруун өмнөд хэсгээр бороо орно. Салхи баруун өмнөөс 4-9 м/с. 29-31-нд Дархадын хотгор, Хангай, Хөвсгөл, Хэнтэйн уулсаар шөнөдөө 2-7 хэм өдөртөө 18-23 хэм, Орхон-Сэлэнгийн саваар шөнөдөө 11-16 хэм өдөртөө 27-32 хэм, бусад нутгаар шөнөдөө 8-13 хэм өдөртөө 24-29 хэм дулаан байна. 1-нд нутгийн хойд хэсгээр, 2, 4-нд ихэнх нутгаар бага зэрэг сэрүүсч Дархадын хотгор, Хөвсгөл, Хангай, Хэнтийн уулсаар шөнөдөө 3 хэм дулаанаас 2 хэм хүйтэн, өдөртөө 11-16 хэм дулаан, бусад нутгаар шөнөдөө 3-8 хэм өдөртөө 17-22 хэм дулаан байх төлөвтэй.

---

Зүүн аймгуудын нутгаар:

Тавдугаар сарын 31-нд Халхголын саваар, 4-нд нутгийн хойд хэсгээр, 5-нд зарим газраар бороо хур тунадас орно. Салхи 29-31,4-5нд зарим газраар 9-12м/с хүрч ширүүснэ. 29-31-нд нутгийн зүүн хэсгээр, 4-5-нд нутгийн хойд хэсгээр сэрүүснэ. Бусад хугацаанд Хэнтий, Дорнодын хойд хэсгээр шөнөдөө 4-9 хэм өдөртөө 19-24 хэм, бусад нутгаар шөнөдөө 7-12 хэм өдөртөө 24-29 хэм дулаан байна.

---

Говийн аймгуудын нутгаар:

Зургаадугаар сарын 3-нд нутгийн баруун хэсгээр,4-нд зарим газраар, 5-нд нутгийн зүүн хэсгээр бага зэргийн бороо орно. Салхи зарим газраар өдөртөө 12-14м/с хүрч ширүүснэ. 29-2-нд ихэнх нутгаар шөнөдөө 12-17 хэм өдөртөө 29-34 хэм дулаан байна. 3-наас бага зэрэг сэрүүснэ.