Сүүлийн жилүүдэд Улаанбаатарт төдийгүй Дархан-Уул аймагт ажил, сургуульдаа дугуйгаар ирэх иргэдийн тоо нэмэгдсэн байна. Үүнтэй холбогдуулан Дархан-Уул аймгийн Засаг даргын Тамгын газраас санаачлан урд талбайдаа унадаг дугуйн зогсоолыг хийжээ.

Цаашид дугуйн зогсоолыг төрийн болон хувийн хэвшлийн байгууллагууд өөрсдийн байгууллагынхаа гадна талбайд хийж байршуулах хэрэгтэйг ч мөн уриалж байна. Хүмүүс дугуй унавал агаарын бохирдол багасгаж, замын хөдөлгөөний ачааллыг ч тодорхой хэмжээгээр бууруулах ач холбогдолтой юм. Түүнчлэн эрүүл мэндэд ч сайнаар нөлөөлнө.