Архангай аймгийн Онцгой байдлын газраас албан хаагчдын нийгмийн асуудлыг шийдвэрлэх ажлын хүрээнд 30 айлын орон сууцны барилга бариулахаар болж, тус барилгын гүйцэтгэгчээр Архангай аймгийн “Гурван тамир” компани ажиллаж байна.

Компанийн зүгээс ОБГ-ын нийт албан хаагчидтай уулзаж, гэрээ танилцуулж, байрны хөнгөлөлт урамшуулал, төлбөрийг уян хатан нөхцөлтэйгөөр төлөх боломжийн талаар хэлэлцэв.

Орон сууцны барилга ирэх есдүгээр сард ашиглалтад орно. Одоогоор барилгын ажлын гүйцэтгэл 30 хувьтай явагдаж байна гэж Архангай аймгийн Онцгой байдлын газраас мэдээллээ.