Монгол Улсын Ерөнхийлөгч Цахиагийн Элбэгдорж өнөөдөр Дорнод аймагт очих гэж байна. Тэрбээр аймгийн удирдлага, ард иргэдтэй уулзаж, Ерөнхийлөгчийн бүрэн эрхийн хугацаанд хийж хэрэгжүүлсэн ажил, мөрийн хөтөлбөрийн биелэлтийг танилцуулах аж.

Мөн энэ үеэр төрийн дээд одон медаль гардуулах ёслолд оролцоно. Тэрбээр Дорнод аймгийг "Сүхбаатарын одон"-гоор шагнах тухай зарлиг буулгасан бөгөөд уг одонг өнөөдөр гардуулахаар болжээ. Одоогоос 3 жилийн өмнө Халхголын ялалтын 75 жилийн ойгоор Дорнод аймгийг Сүхбаатарын одонд тодорхойлоод байсан юм.

Ерөнхийлөгч өнөөдөр үдээс хойш Чойбалсан хотноо хүрэлцэн ирэх бол иргэд хөдөлмөрчидтэй хийх уулзалт нь 18 цагт товлогджээ.