Ерөнхийлөгчийн сонгуульд санал өгөх гадаад улсад байгаа сонгогчдын саналыг зургадугаар сарын 10-11-ний өдөр авахаар УИХ-аас тогтоосон.

Үүнтэй холбоотойгоор Монгол Улсын дипломат төлөөлөгчийн газар байрладаг гадаад улсад байгаа сонгуулийн эрх бүхий иргэдээс санал авах ажиллагааг зохион байгуулахаар Австрали, Англи, АНУ, ХБНГУ, Казахстан, ОХУ, БНСУ, БНХАУ зэрэг улсад нийт 46 салбар комисс байгуулж, иргэдийн саналыг хүлээн авахаар болжээ.