УИХ-ын хаврын чуулганыг маргааш 10.00 цагт нээнэ. Хаврын чуулганы нээлтэд Монгол Улсын Ерөнхийлөгч Ц.Элбэгдорж оролцож үг хэлэхээр болжээ. Монгол Улсын Yндсэн хуулийн 33 дугаар зүйлийн 3 дахь хэсэгт “Ерөнхийлөгч УИХ-ын чуулганд өөрийн тааллаар оролцож болно” хэмээн заасан байдаг.  

Монгол Улсын Ерөнхийлөгч үндсэн бүрэн эрхийнхээ дагуу чуулганы нээлт болон бусад хуралдаанд тааллаараа оролцдог тул  хаврын чуулганы нээлтийн ажиллагаанд ийнхүү оролцож үг хэлэх юм байна.