Сүхбаатар дүүргийн ЗДТГ-ын Хүнс, худалдаа, үйлчилгээний хэлтсээс дүүргийн нутаг дэвсгэрт худалдаа, үйлдвэрлэл, үйлчилгээний чиглэлээр үйл ажиллагаа эрхэлж байгаа аж ахуй нэгж байгууллага, иргэдэд зориулж “Бүтээлч маркетинг” сургалтыг өнгөрөгч баасан гаригт зохион байгуулсан.  Энэ сургалтанд 30 гаруй байгууллага, иргэн оролцож, бүтээгдэхүүн үйлчилгээний маркетингийг хэрхэн хийх, барааны борлуулалтаа нэмэгдүүлэхийн тулд хэрэглэгчийн сонголтыг ухаалаг байдлаар яаж хөнгөвчлөх талаар мэдээлэл солилцлоо.