Г.Дэнзэн нарын таван хүний хэргийн шүүх хурал Баянзүрх, Чингэлтэй, Сүхбаатар дүүргийн эрүүгийн хэргийн анхан шатны шүүхэд маргааш болно. Шүүх хурлыг өнгөрсөн Даваа гарагт хийх байсан ч хариуцагч талын өмгөөлөгч ирээгүй тул хойшлуулсан.

Г.Дэнзэн  “Эрдэнэс Тавантолгой” компанийн ТУЗ-ийн даргын албыг хашиж байхдаа эрх мэдлээ урвуулан эхнэрийнхээ “Говь повер” компанид 17 тэрбум төгрөгийн тендер авч өгсөн хэрэгт буруутгаад байна. Тэдэнд холбогдох эрүүгийн хэрэгт нийслэлийн Прокурорын газар Эрүүгийн хуулийн тусгай ангийн 263 дугаар зүйлийн 263.2 дэх хэсэг, мөн хуулийн 150 дугаар зүйлийн 150.3-т заасан гэмт хэрэгт яллах дүгнэлт үйлдэн шүүхэд шилжүүлээд байгаа юм.