Сирийн ерөнхийлөгч Башар Ассад White Helmets буюу Цагаан Дуулгатнууд байгууллагыг Исламын терроризмын халхавч ба тэднийг ‘Аль–Кайдагийн гишүүд гэдгийг интернетэд баталсан’ гэж Дамаск хотод Russia Today телевизтэй хийсэн ярилцлагандаа дурджээ.

‘Цагаан Дуулгатнуудыг Аль–Кайдагийн гишүүд гэдгийг интернетэд баталсан’

Өөрсдийгөө иргэний хамгааллын байгууллага гэж  нэрлэдэг Цагаан Дуулгатнууд Сирийн босогчдын хяналттай газруудад аврах ажиллагаа явуулдаг байгууллага гэгддэг. НАТО-оос санхүүждэг гэгддэг энэ байгууллагын тухай хийсэн Британи кино өнгөрсөн сар Оскарын Шилдэг Баримтат Киноны шагналыг авсан. Үүнийг Сири, Оросын талаас дайны мэдээллийг гуйвуулж, худал цацдаг пропаганда хэлбэрээр үйлчилсэн гэж шүүмжилж байв.

“Жишээлбэл, тэдний Иракийн Мосул дахь Исламын Улсын эсрэг дайралтыг сайн эсвэл эерэг гэж хэлнэ. Гэтэл Алеппод Алеппогийн хүмүүсийг чөлөөлөх гэсэн Сирийн, Оросын хийдэг яг адилхан дайралтууд, цэргийн онгоцууд эсвэл цэргүүдийг хүний эрхийн эсрэг гэж улс төрд ярилцдаг” гэж Ассад хэлсэн юм.