МУБИС-ийн Багшийн сургуулиас жил бүр оюутан залуусын дунд зохион байгуулдаг “Хос тогоруу” яруу найргийн наадмаа ирэх сарын 14-нд зохион байгуулахаар болжээ. Энэ жилийн наадам нь Багшийн сургуулийн 95 жилийн ойтой давхцаж байгаагаараа онцлог бөгөөд шагналын сан нь ч багагүй өсчээ. 

Энэ наадамд бакалаврын түвшинд өдрөөр суралцаж байгаа шүлэг, яруу найраг шимтэн сонирхогч залуус оролцож болох юм байна. "Хос тогоруу" наадмын ес дэх удаагийнхад ӨМБИС, ӨМИС, Халимагийн их сургуулийн оюутнууд ирж оролцож байсан юм. Энэ удаагийн наадмыг ч нийт монгол туургатан оюутнуудын дунд зарлажээ.