Өнөөдрөөс эхлэн МУИС-ийн захирлын ажлыг түр орлон гүйцэтгэгчээр Я.Төмөрбаатарыг ажиллах боллоо. Учир нь Р.Бат-Эрдэний өөрийн хүсэлтээр ажлаа өгөх өргөдөл гаргасныг БСШУС-ын сайд Ж.Батсуурь хүлээн авсан юм.

 Я.Төмөрбаатар нь Ч.Сайханбилэгийн тэргүүлсэн Шийдлийн Засгийн газрын үед АН, МАН хоёр хамтарч засаг байгуулахад МАН-ыг төлөөлж,  БСШУ-ы дэд сайдаар томилогдон ажиллаж байсан.

Улсын багшийн дээд сургуулийг түүхийн багш, нийгмийн ажилтан мэргэжлээр төгссөн. 1999-2007 онд "Кёкшюүзан хөгжил сан"-гийн зөвлөх, дэд захирал, 2007-2008 онд МАН-ын Удирдах зөвлөлийн Хэрэг эрхлэх газрын Хэвлэл мэдээлэл, олон нийттэй харилцах хэлтсийн дарга, 2008-2009 онд Монгол Улсын Ерөнхийлөгчийн зөвлөх, хэвлэлийн албаны дарга, 2009 оноос МАН-ын Ерөнхий нарийн бичгийн даргын зөвлөх, ахлах зөвлөх, “Стратеги” академийн захирлаар ажиллаж байжээ. МУИС-ийн захирлыг хуулийн дагуу сонгон шалгаруулалт явуулж томилох юм