Граймсын 2012 онд гарсан Vision албум классик цуврал концерт хувилбаар тоглогдох гэж байна. 13 классик хөгжимчний бүрэлдэхүүнтэй Монтреалын Plume  чуулга Граймсын алдартай Oblivion, Genesis, Nightmusic зэрэг 13 дууг “Many Visions: Plumes Deconstructs the Music of Grimes” нэртэй концертоор Канад улсад энэ сарын 10-21 хүртэл тоглох болжээ. Тоглолтын хөгжмийн зохиолчдын нэг Моника Пийрс NowToronto сэтгүүлд Граймсын Nightmusic дууг классик хөгжим рүү хөрвүүлэхийн тулд 100 удаа сонссон тухайгаа ярьжээ.

Канадын синт-поп, арт поп зэрэг төрлөөр дуулдаг, продьюсер Граймсын албум Visions 2012 онд гарсан ба Genesis, Oblivion дуунууд нь шүүмжлэгчдээс өндөр үнэлгээ аван, Нью Йорк Таймсын “жилийн хамгийн гүнзгий сэтгэгдэл үлдээсэн албумуудын нэг”-ээр нэрлэгдээд байлаа.