“Түрээсийн орон сууц” хөтөлбөрт хамрагдах хүмүүсийг бүртгэнэ

Сэтгүүлч: Г.Баянжаргал

7 жил

   Төрийн орон сууцны корпорац “Түрээсийн орон сууц” хөтөлбөрийг ирэх дөрөвдүгээр сараас үргэлжлүүлнэ гэж мэдээллээ.  Өнгөрсөн онд хөтөлбөрийг эхлүүлэхэд 2500 орчим иргэн түрээсийн орон сууцанд орох хүсэлтээ Төрийн орон сууцны корпорацад өгч байжээ. Гэвч 600 орчим нь л хөтөлбөрт хамрагджээ. Тиймээс үлдсэн иргэдэд “Буянт-Ухаа 2” хорооллын 68.59 ам метр талбайтай гурван өрөө 214, аймгийн төвүүдэд байгаа 146 орон сууцыг санал болгох юм байна. Мөн шинээр бүртгүүлэх хүмүүсийн материалыг дөрөвдүгээр сард хүлээж авахаар болжээ. Иргэд түрээсийн орон сууцыг тав хүртэлх жилээр түрээслэх боломжтой юм. Нэг ам метр талбайн сарын түрээсийн төлбөр нийслэлд 6000, орон нутагт 4500 төгрөг байхаар тогтсон байна.

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү