МАН -ын XXXI их хурал гурав дахь өдрөө /2025.11.17/ Буянт Ухаа спорт цогцолборт үргэлжилж байна. Өнөөдөр хяналтын хорооны гишүүдийг шинэчилж, бага хурлын гишүүдээ сонгох аж. МАН өчигдөр XXXI их хурлаараа намын дүрмийн шинэчлэлийг хэлэлцэн баталсан. Тодруулбал, Үндсэн дүрмийн өөрчлөлтийн төсөл болон намын хөтөлбөр буюу хичээн эрмэлзэх зүйлийн нэмэлт, өөрчлөлтийн төслийг хэлэлцэн баталсан билээ. Дүрмийн төслийн өөрчлөлттэй холбогдуулах МАН-ын Их хурлын төлөөлөгчид санал шүүмжлэлээ нээлттэй хэлж, асуулт асууж, Ажлын хэсгийн ахлагч, гишүүд хариулт өгсөн. Түүнчлэн Их хуралд оролцож буй 21 аймаг, нийслэл, есөн дүүрэг, намын дэргэдэх төрийн бус байгууллагуудын төлөөллүүд асуулт, саналаа Ажлын хэсгийн ахлагч, гишүүдэд шууд хэлэхээс гадна бичгээр болон и-нам аппликейшнээр дамжуулан илгээж хэлэлцүүлэг идэвхтэй өрнөсөн гэдгийг мэдээлсэн юм.