Улс төрийн намууд нэр дэвшигчдээ зарласан билээ .и
Хамгийн эхлээд ХҮН нам тойрогт болон жагсаалтаар нэр дэвшигчдээ зарласан бол ардаас нь АН зодоонтой, шуугиантайхан зарлав.
Эгээ л уламжлал ёсоороо МАН хамгийн эцсийн мөчид нэр дэвшигчдээ зарлаж, нийгмийг хоёр хуваагаад орхилоо. Намын жагсаалтынхаа эхний байруудад хэний ч мэдэхгүй инженерүүдийг багтааж тэдний араас МАН-ын залуу үеийн залгамжлагчид жагссан байна.
Тойрогт нэр дэвшигчдийг ажиглавал их л зодоонтой байсан харагдана. Ана мана үзэлцэх тойрог ч байна, зарим нь ялагчид нь тодорхой тойрог ч харагдана. МАН-аас СХД-д нэр дэвшүүлсэн байдлыг харахад АН-д ялагдах нь тодорхой болжээ гэсэн бор шувуу нисээд эхэлжээ. Учир нь АН-ын томоохон лидер Н.Алтанхуяг СХД-тээ эргэн ирж байгаа юм.
Нөгөө талд 2020 онд МАН-аас сонгуульд нэр дэвшсэн хүмүүсээс хэн нь ч очсонгүй. Х.Нямбаатар Нийслэлийн намын хороог удирдаад их хуралд нэр дэвшээгүй, Д.Сумьябазарыг ногоон автобусны хэргээр сүүлийн мөчид нэр дэвшүүлэхгүй болсон, сайд Н.Учрал СБД-рүү явсан, Б.Жаргалмаа гишүүнийг нэр дэвшүүлэхгүй болсон, П.Анужин гишүүнийг сүүлийн мөчид Зүүн бүс рүү явахыг тушаасан. Сүүлд нөхөн сонгуулиар орж ирсэн Н.Батшугарыг эс тооцвол СХД-т хуучин нэр дэвшигчдээс хэн ч очихгүй дандаа шинэ хүмүүс.
Соёлын сайд ганцаараа л эмэгтэй бол явна гээд “эрхлээд” суучихаж. Энэ бол АН-д тойргоо бэлэглэж байгаагаас ялгаагүй явдал юм. СХД-ийн АН-ын дарга Г.Очирбат жагсаалтад дээгүүрт бичигдсэн учраас одоо тойрогт намаа ялуулах дээр л ажиллахад төвлөрнө, 5:0-ээр ялна гэж төлөвлөж байгаа нь Н.Алтанхуяг нарын хүчтэй лидертэй багт боломжгүй зүйл биш л болов уу...
![](/uploads/_thumbs/crop-1000-1000/2024-05/768.jpg)