УИХ дахь МАН-ын бүлэг өнөөдөр /2023.12.04/ цаг үеийн шинжтэй хоёр асуудал хэлэлцжээ. Тодруулбал, цахим мэдээллийн сайт хязгаарласан асуудлаар ЦХХХ-ны сайд Н.Учралын мэдээлэл сонссон аж.. Гишүүд сэдвийн хүрээнд асуулт асууж тодруулсан. МАН-ын бүлгийн хувьд үгээ хэлэх, үзэл бодлоо илэрхийлэх эрх чөлөөг баталгаажуулах эрх зүйн орчныг хуулийн хүрээнд илүү тодорхой зохицуулах шаардлагатай гэж үзлээ.

ЦХХХ-ны сайд Н.Учрал "Хувь хүний асуудал гэхээсээ Монгол Улсын иргэн бүрийн үгээ хэлэх, үзэл бодлоо илэрхийлэх, Хэвлэл мэдээллийн байгууллагуудын хараат бусаар үйл ажиллагаагаа явуулах эрх зүйн баталгааг бүрдүүлэхэд цаашид анхаарч ажиллах хэрэгтэй" гэв.

Монгол Улс дахь томуу, томуу төст өвчний өнөөгийн байдал, авч хэрэгжүүлж байгаа арга хэмжээний талаар эмнэлгийн удирдлага, холбогдох мэргэжилтнүүдээс мэдээлэл сонсч, эм хангамж, тоног төхөөрөмжийн хүрэлцээ, эмнэлгийн ачааллын талаар асуулт асууж, хариулт авсан байна.