Налайх дүүргийн Нэгдсэн эмнэлгийн эмч нар БНСУ-д мэргэшил дээшлүүлж байна


1 жил

Налайх дүүргийн Нэгдсэн эмнэлэг нь 2017 оноос эхлэн гадаад хамтын ажиллагаагаа өргөжүүлэх зорилгоор эмнэлгүүдтэй гэрээ байгуулж, шилдэг эмч нарын багийг дүүрэгтээ урьж ажиллуулан өөрсдийн эмч мэргэжилтнийг чадавхжуулж, тэднийг богино болон дунд хугацааны ажлын байрны сургалтуудад мэргэжилтнүүдийг багаар нь хамруулахыг зорин олон ажлуудыг хэрэгжүүлж байна. 
 

Энэ хүрээнд Нэгдсэн эмнэлгийн Мэс заслын эмч Б.Цолмон мэс заслын сувилахуй чиглэлээр, Хэвлийн хөндийн мэс заслын сувилагч Э.Болормаа нь мэс заслын сувилахуй чиглэлээр, Дүрс оношилгооны эмч Х.Ахмейр компьютер томографаар тус тус мэргэшил дээшлүүлэхээр 2022 оны 11 дүгээр сарын 11-ний өдрөөс 45 өдрийн богино хугацааны сургалтад хамрагдахаар БНСУ-ын "Улсан сити" эмнэлгийг багаараа зориод байна. 

Тэд эхний гурван өдрийн байдлаар өвдөгний үе солих гурван хагалгаа, түнхний үе солих, дунд чөмөгт ясны хүзүүний доод хэсгийн хугарал бэхлэх, шууны хугарал бэхлэх, тойгны хугарал бэхлэх зэрэг мэс заслуудын арга, туршлагаас суралцжээ.
Тус эмнэлэг нь Гэмтэл, Мэс засал, Дотор, Нөхөн сэргээх, Яаралтай тусламжийн чиглэлээр дагнан эмнэлгийн тусламж үйлчилгээ үзүүлдэг аж. Орон тооны хувьд 45 эмчтэй бөгөөд тэдгээрийн 20 нь мэс засалч, бусад 25 нь дотор, дүрс оношилгоо, нөхөн сэргээх, яаралтай тусламжийн эмч нар байдаг байна. 

Post image
Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү