Монголд анх удаа нойр булчирхай шилжүүлэн суулгах эмчилгээг УНТЭ, Солонгосын “Асан“ эмнэлэгтэй хамтран хийнэ


2 сар

УНТЭ-ийн баг өчигдөр /2022.11.22/ БНСУ-ын Асан эмнэлэгт ажиллаж, тус эмнэлгийн Ерөнхийлөгч, профессор Seung-Il Park, Элэг шилжүүлэн суулгах, нойр булчирхайн мэс заслын тасгийн дарга профессор Deok-Bog Moon болон удирдлагын бусад гишүүдтэй уулзаж, хоёр эмнэлгийн хамтын ажиллагааг үргэлжлүүлэх, өргөжүүлэх талаар ярилцжээ.

Энэ хүрээнд 2023 онд Монгол Улсад анх удаа нойр булчирхай шилжүүлэн суулгах эмчилгээг хамтран хийх, элэгний багийн ахисан шатны сургалтыг эхлүүлэх мөн УНТЭ-т хавдрын тусламж үйлчилгээг өргөжүүлэхэд дэмжин, хамтран ажиллахаар санал нэгдсэн байна. 

Улсын нэгдүгээр төв эмнэлэг 2011 оноос эхлэн БНСУ-ын хамгийн том эмнэлэг болох Сөүл хотын Асан эмнэлэгтэй хамтран ажиллаж байна. Хамтын ажиллагааны хүрээнд Асан сангийн санхүүжилтээр манай эмч, мэргэжилтнүүд 122 удаагийн сургалтад хамрагдсанаар өдгөө 180 хүнд элэг шилжүүлэн суулгах мэс заслыг амжилттай хийж, уг эмчилгээг Монгол улсдаа бүрэн нутагшууллаа.

 


Post image
Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү