Өнөөдөр Засгийн газрын ээлжит хуралдаанаар ЕБС, их, дээд сургуулийн хичээл эхлэх хугацааны талаар хэлэлцжээ.

Тодруулбал, шинэ улирлын хичээл танхимаар эхлэх үед буюу энэ сарын сүүл, хоёрдугар сарын эхээр халдварын тохиолдол хамгийн өндөр түвшинд хүрнэ хэмээн эрдэмтдийн баг тодорхойлсон учир БШУ-ны сайд Л.Энх-Амгалан хичээл хэрхэн эхлүүлэх талаарх гурван төрлийн хувилбарын санал гаргасан ба ЭМЯ, УОК, БШУЯ саналаа нэгтгэн шийдвэр гаргах долоо хоногийн хугацаатай үүргийг Ерөнхий сайд Л.Оюун-Эрдэнэ өглөө.