Ерөнхийлөгч Х.Баттулга Монгол Улсаас АНУ-д суугаа Онц бөгөөд Бүрэн эрхт Элчин сайд Ё.Отгонбаярыг эгүүлэн татах асуудлыг зөвшилцөхөөр УИХ-ын дарга Г.Занданшатарт албан бичиг хүргүүлсэн билээ. Тэгвэл Байнгын хорооноос Элчин сайд Ё.Отгонбаярыг эгүүлэн татах нөхцөл үүсээгүй гэж үзжээ. Энэ талаар УИХ дахь МАН-ын бүлгийн дарга Д.Тогтохсүрэн "Элчин сайд Ё.Отгонбаяртай холбоотой асуудлыг өнгөрсөн баасан гарагт УИХ-ын Аюулгүй байдлын байнгын хорооны хуралдаанаар хэлэлцсэн. Хуулиараа долоо хоногийн дотор Байнгын хороо хэлэлцэх ёстой юм. Байнгын хорооноос Элчин сайд Ё.Отгонбаярыг эгүүлэн татах нөхцөл үүсээгүй байна гэж үзсэн" гэв.