УИХ-ын чуулганы хуралдаанаар Авлигын эсрэг хуульд тавьсан Ерөнхийлөгчийн хоригийг хэлэлцэж байна. УИХ Авлигын эсрэг хуульд өөрчлөлт оруулахдаа АТГ-ын даргыг Ерөнхий сайдын саналаар УИХ зургаан жилийн хугацаагаар, АТГ-ын дэд даргыг Ерөнхийлөгчийн саналаар бус АТГ-ын даргын саналаар томилох өөрчлөлтийг хийсэн юм. Тиймээс АТГ Засгийн газрын агентлаг шиг ажиллах нөхцөл бүрдсэн тул хориг тавьж буйгаа Ерөнхийлөгч мэдэгдсэн. 

Улмаар Ерөнхийлөгч Х.Баттулга чуулганы хуралдаанд оролцож үг хэллээ. Тэрбээр "УИХ өрх бүрд нэг сая төгрөгийн тэтгэлэг олгох төслийг хэлэлцэхгүй чуулганыг хаах гэж байгааг үнэхээр гайхаж байна. Би зөвхөн энэ асуудлаар ээлжит бус чуулган зарлан хуралдуулна. Оффшор бүсээс хөрөнгө оруулах нөхцөл бүрдээд байгаа. Гэтэл оффшор бүсээс мөнгө орж ирээгүй гэсэн Сангийн сайдыг ойлгох ухаан хайрлана уу " гэв.