2020 оны орон нутгийн сонгуулийн үр дүнгээр байгуулагдсан НИТХ өнөөдөр анхдугаар хуралдаанаа хийлээ. Хуралдаанаар эхлээд НИТХ дахь АН, МАН-ын бүлэг байгуулагдсаныг мэдэгдэж, бүлгийн ахлагчийг танилцуулав. 
 
Эхлээд НИТХ дахь МАН-ын бүлэг байгуулсан тухай шийдвэрийг танилцуулав. МАН нь НИТХ-ын сонгуульд 34 суудал авч, олонх болсон тул НИТХ-ын дэгийн дагуу бүлэг байгуулж, бүлгийн ахлагчаар Р.Дагвыг сонголоо.
 
Харин АН НИТХ-ын сонгуульд найман суудал авсан учир бүлэг байгуулж, АН-ын бүлгийн ахлагчаар Д.Пүрэвдавааг сонгосныг танилцуулав. НИТХ дахь улс төрийн гурав дахь хүчин ХҮН намаас гурван гишүүн сонгогдсон тул бүлэг байгуулах боломжгүй юм.