Сүхбаатар дүүргийн 8 хороо, БЗД-ийн 5 хороо нийтдээ 13 хорооны нутаг дэвсгэрийг бүхэлд нь дайран өнгөрөх энэхүү авто замын трассыг хотын хойд хэсэгтэй холбосоноор иргэдийн ая тухтай зорчих орчин нөхцөл хэд дахин сайжрах боломж бүрдэх юм.
Тухайлбал 9 м өргөн бүхий хоёр эгнээ зорчих хэсэг, 2м өргөн явган хүний зам, 88 ширхэг гэрэлтүүлэг, зам хөндлөн гарсан 12 хэсэг борооны ус зайлуулах шугам, автобусны 7 зогсоол байгуулахаар төлөвлөжээ.
Газар зохион байгуулагч Б.Батбаяр: 36 айл СӨХ-ийн дарга Батцэрэн гэж хүнд шаардах хуудас хүргүүлж, нийтийн эзэмшил талбайг чөлөөлөхийг санууллаа. Дарь-Эхийн чиглэлд хийгдэж байгаа 3,3 км авто замын эхний 1,5 км замыг сайжруулан засварлаж. Үлдсэн хэсэгт шинээр хучилт хийгдэн өргөсгөх юм. 36 айл СӨХ-ийн хувьд эзэмшсэн газар байхгүй. Орон сууцны барилгыг тойруулж хашсан энэ талбай бол нийтийн эзэмшлийн талбай. Энд орц гарц нээж, автобусны буудал баригдаж, камержуулалт, гэрэлтүүлэг хийгдсэнээр, одоо байгаагаас илүү тохь тухтай орчин бий болно. 36 айлын 100 гаруй хүний эрх ашгаас илүү хоёр дүүргийн хэдэн зуун мянган хүний эрх ашиг чухал гэлээ.
0
0
0
0
0
0
