УИХ-ын гишүүн асан Д.Дамба-Очирыг 3.6 жил хорих шүүхийн шийдвэр гарчээ. Тодруулбал, өнөөдөр болсон шүүх хуралдаанаар шүүгдэгч Д.Дамба-Очирыг улс төрд нөлөө бүхий этгээд албан үүрэг, бүрэн эрх, албан тушаалын байдлаа урвуулан ашиглаж, өөртөө болон бусдад давуу байдал бий болгосон гэмт хэрэгт хатгагчаар хамтран оролцсон гэм буруутайд тооцсон байна. Улмаар түүнийг нийтийн албанд томилогдох эрхийг зургаан жил хүртэлх хугацаагаар хасаж, гурван жил зургаан сарын хугацаагаар хорих ял шийтгэж, уг ялыг нээлттэй хорих байгууллагад эдлүүлэхээр тогтоож шийдвэрлэсэн байна.