Өнгөрсөн амралтын өдрүүдэд зам тээврийн ослын улмаас долоон хүн гэмтсэн бол нийслэлд нэг, орон нутагт гурван хүн амиа алджээ.

Ноцтой зам тээврийн ослоос дурдвал: 

• 2020.05.23-ны 06:00 цагийн орчим Өмнөговь аймгийн Ханхонгор сумын Өгөөмөр багийн нутаг дэвсгэрт асфальтан замд Toyota Crown маркийн автомашин онхолдож, жолооч 34 настай, эрэгтэй Х-ын амь  нас хохирсон байна.
• 2020.05.23-ны 20:50 цагийн орчимд Чингэлтэй дүүргийн 17-р хороо, Чингэлтэйн замд Toyota Prius маркийн Н жолоочтой автомашин нь явган зорчигч  43 настай, эрэгтэй Г-г мөргөж, Hyundai Porter маркийн автомашин араас мөргөсөн байна. Явган зорчигч Г нь ГССҮТ-д хүргэгдээд нас баржээ.
• 2020.05.24-ний 16:50 цагийн орчимд Говь-Алтай аймаг, Баян-Уул сумын нутаг дэвсгэрт Haojue маркийн улсын дугааргүй мотоцикл, Toyota Ist маркийн автомашинтай мөргөлдөж, мотоциклын жолооч 20 настай, эрэгтэй Г-гийн амь нас хохирчээ.
• 2020.05.24-ний 16:50 цагийн орчимд Дорнод аймгийн Цагаан-Овоо сумын 3-р багийн нутаг дэвсгэрт шороон замд Toyota Spacio маркийн Э жолоочтой автомашин замын хажуу уруу онхолдож, зорчигч 8 сартай, эрэгтэй Э-гийн амь насыг хохироосон хэргүүдийг тус тус шалгаж байна. 

 

 

 

Амралтын өдрүүдэд бүртгэгдсэн зам тээврийн осол, хэргийг өмнөх 7 хоногийн нөхцөл байдалтай харьцуулахад нийт дуудлага мэдээлэл 11,2 хувиар, бүртгэгдсэн зам тээврийн осол 9,9 хувиар, ослын улмаас нас барсан хүн 25 хувиар өсжээ.

СЭРЭМЖЛҮҮЛЭГ