УОК-оос БНЭУ-д суугаа Монгол Улсын иргэдээ нэг удаагийн захиалгат нислэгээр эх орондоо авчрах шийдвэрийг гаргасантай холбогдуулан, УОК-ын Шуурхай штабаас өнөөдөр 12:00 цагаас иргэдээ татаж авах асуудлаар мэдээлэл өгөхөөр зарлажээ. Өнөөдрийн байдлаар БНЭУ-аас эх орондоо ирэхээр 480 орчим иргэн хүсэлтээ гаргасны 21 нь эрүүл мэндийн шалтгаантай байна. Харин 164 нь оюутан, 260 нь насанд хүрээгүй хүүхэд, үлдсэн 44 нь бусад шалтгаантай иргэд гэдгийг Шадар сайдын ажлын албанаас мэдээлсэн.