Өнөөдөр /2020.05.07/ ЭМЯ-наас шинэ төрлийн коронавируст халдварын талаарх цаг үеийн ээлжит мэдээллээ өглөө. Энэ үеэр ХӨСҮТ-ийн захирал Д.Нямхүү,

“Өчигдөр улсын хэмжээнд нийт 147 хүнд шинжилгээ хийлээ. Задалж хэлбэл, ХӨСҮТ-д тусгаарлагдсан тав, ажиглах байруудад тусгаарлагдсан 19, Дорноговь аймагт тусгаарлагдсан 58, Дорнод аймагт тусгаарлагдсан долоо, Сэлэнгэ аймагт тусгаарлагдсан 95 иргэнд шинжилгээ хийхэд коронавирус илрээгүй. Мөн тандалтын зорилгоор, санамсаргүйгээр 21 хүний сорьцыг шинжлэхэд мөн коронавирус илрээгүй. Үүний дээр Замын-Үүдээр орж ирсэн ачаа тээврийн 31 жолоочийг шинжилгээнд хамруулахад коронавирус илрээгүй байна” гэлээ.