Тухайн жолооч Алтанбулагийн боомтоор хил нэвтэрч, тусгаарлах байранд ажиглалтад байсан. Харин түүнийг тусгаарлах байранд байх хугацаанд нь “түүний хүү болох Дархан-Уул аймгийн цагдаагийн алба хаагч эрх мэдлээ урвуулан ашиглаж аав ээждээ хоол дамжуулж өгсөн. Ингээд нийгмийн харилцаанд орсон” гэх мэдээлэл олон нийтийн сүлжээгээр тархаад буй.

Ээ талаар өнөөдрийн ЭМЯ-ны ээлжит хэвлэлийн хурлын үеэр ХӨСҮТ-ийн захирал Д.Нямхүү мэдэгдсэн.

Тэрээр “Тээврийн жолоочийн хүүхэд аавтайгаа зөвхөн утсаар ярьсан. Уулзаагүй гэдэг нь нотлогдсон. Бүх камер, хяналтын шугамаар шүүж үзсэн. Тиймээс үүнд эргэлзэх хэрэггүй” гэсэн юм.