Жил бүр тавдугаар сарын 9-ний өдөр зохион байгуулдаг Ялалтын баярын сүрт жагсаалыг хойшлуулахаар шийдвэрлэсэн талаар Кремлиэс мэдээлжээ. Одоогоор чухам хэдний өдөр хүртэл хойшлуулсан нь тодорхойгүй байгаа ч ойрын хугацаанд зарлана гэжээ. 

Аугаа эх орны дайнд ялалт байгуулсны 75 жилийн ойн баярын өдрийн парадыг зургаадугаар сарын 24-ний өдөр буюу 1945 онд Маршал Георгий Жуковоор удирдуулсан парад болсон өдөр, эсвэл Дэлхийн хоёрдугаар дайн дууссан есдүгээр сарын 3-ны өдөр зохион байгуулж магадгүй гэжээ. 

Кремлийн хэвлэлийн төлөөлөгч Дмитрий Песков парадыг хойшлуулах нь тодорхой ч эрт орой хэзээ нэгэн цагт заавал зохион байгуулна гэж мэдэгдэж байв.